好耐好耐之前同大家介紹過用自己相去做LEGO馬賽克畫嘅方法，後來官方就出左個黑白灰嘅馬賽克即影即有，唔知大家有冇試過啦。雖然兩樣都各有特色，但唔係個個都想砌返自己嘅相同樣，有時只係想搵啲靚畫或者公仔去用 LEGO 砌返幅馬賽克畫或者像素畫(Pixel Art)擺喺屋企做個裝飾。

先介紹呢位喺紐西蘭嘅藝術家 Kyle Marley，我介紹得嘅當然同 LEGO 有關啦！冇錯，佢係一個用 LEGO 去砌像素畫嘅藝術創作者。不論實物定係用軟件製作嘅作品都多到睇唔晒，而且用嘅都只係用最普通嘅 LEGO 磚去創作。由開始主要係以遊戲角色同場景到近年將一啲藝術畫作再像素化。

呢個就係佢第一次擺嘅大型擺設，超過六千塊組件砌成嘅Super Mario 場景

就咁睇上面嘅係咪覺得自己都砌到！咁下面嘅作品唔知你又得唔得呢？

而最近佢仲整緊嘅新作，一定要數佢呢件用超過萬五件件砌，超過六呎高嘅G1動畫版柯柏文

雖然唔係個個創作得咁好，不過如果對 Kyle Marley 作品有興趣嘅朋友，自己都唔係整唔到架喎！事關佢都將部份嘅作品製作書放左上網出售，不過件就要玩家自己去慢慢訂返嚟啦！

想砌返幅 Kyle Marley 創作嘅 LEGO 像素畫可以去下面嘅傳送門買製作書慢慢砌，如果有咩新 Ideas 想佢製作嘅亦都可以去佢嘅 Fans Page 比啲提意佢架！

Kyle Marley 像素畫製作書購買傳送門

Kyle Marley 作品 Facebook Fans Page