十月份嘅時候已經公佈《Nier: Automata》將會加盟《SOULCALIBUR 6》嘅消息，而今日官方亦正式宣佈有關方面嘅詳細資料；2B 將作為遊戲第二彈 DLC 角色推出，有 Season Pass 嘅朋友可以於 12 月 18 日實裝角色遊玩，而其他玩家亦可以單獨購買 2B，日本官方定價 600 日元。
今次黎到《SOUL CAL 6》嘅 2B 成個模組同喺原本遊戲中嘅一樣，攜帶武器為角色初始雙劍「白之契約、白之約定」，而 Pot 亦會作為隨行支援角色同時登場；DLC 亦都繼續搵黎原版聲優石川由依以及安元洋貴為劇情及聲效重新配音，2B 嘅戰鬥音樂仲係《Nier: Automata》嘅主題曲添！
所以各位 2B 嘅 Fans 唔駛再自己砌外觀砌得咁辛苦，直接等 12 月 18 日就可以正式成為「對機械生命體用自動歩兵人形」啦～
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。