就只係幾日前公佈嘅《SD GUNDAM WORLD 三國創傑傳》，呢幾日都喺上海同北京做發佈，而今日終於輪到香港嘅發佈會啦！

現場仲擺左三隻 1.4 米高嘅劉、關、張比大家影相

已經公佈嘅 6 個角色，分別係劉備獨角獸高達、關羽ν高達、張飛神高達、曹操飛翼高達、孫堅迷惘高達同董卓天意高達都有實物比大家慢慢睇清楚

基本上大家都喺網上睇過晒啦，咁但係發佈得嘅資料同我地問得嘅又點會咁少！先講返玩具方面，今次嘅所有角色都係全新獨製作，同十年前嘅舊《三國傳》比就一定有所進步啦，不過就算同今年嘅 SDCS 系列喺活動性上面都一啲都唔輸蝕。而且分色程序仔細左，少左好多嘅貼紙。

全身 10 組嘅關節，已經唔再好似已往嘅 BB 戰士咁騎馬變左好似企喺隻馬上面一樣

就係多左呢組「二段關節」，咁先可以改強化腰腹嘅活動性

之前喺上海嘅發佈會都有見過話角色之間嘅一啲配件可以任意組裝成新嘅武器或者裝備，咁除左上面見到劉、關、張三個嘅武裝可以組合之外，其實各人嘅背包同見到曹操、孫堅背翼都有同樣大細嘅”窿”，咁似乎越出得多角色，改造性就越強！(個坑真大)

雖然話就話個坑唔細，不過淨係拎公佈左角色中嘅曹操飛翼高達都只800円(約港幣 $55)，而且預計每個月都只係會出三至四款新角色。而且今次《SD GUNDAM WORLD 三國創傑傳》嘅產品都係大中華地區首發，仲早過日本當地發售。

另外，同場亦率先公佈 2019 年下旬發售嘅[特別塗層]限量特別版劉備獨角獸高達，通販玩得開心嘅，到時入埋隻限定就更歡樂啦！

《SD Gundam 世界 三國創傑傳》官網傳送門

(拍攝：蕭若翹)