由 VJGamer 同 Kowloon EStadium 九龍電競館共同主辦嘅「香港專業電競杯 Hong Kong Professional eSport Cup」，即將開打啦！是次比賽齊集合六大廣受玩家歡迎遊戲，當中更有首次授權香港進行既項目，各位好手絕不能錯過！
「香港專業電競杯 Hong Kong Professional eSport Cup」將有六個遊戲項目，於九龍灣展貿中心舉行，首兩天進行初賽，最後一天進行決賽。
初賽：2018 年 12 月 21～22 日（活動時間：12:00 – 20:00）
地點：九龍灣國際展貿中心 B1
決賽：2018 年 12 月 23 日（活動時間：11:00 – 20:00）
地點：九龍灣國際展貿中心 Music Zone
比賽項目分別係：《Rainbow Six Siege》（PC）、《傳說對決》（Moblie）、《第五人格》（Moblie）、《Street Fighter V AE》（PS4）、《Gundam Vesus》（PS4）及《Dragon Ball Fighter Z》（PS4）。每個項目將會有自己完整及獨立的賽制及獎項，而且所有項目均獲得官方正式授權及認可，想證明自己嘅實力就唔好錯過今次機會啦！（部份項目尚有少量參賽名額）
「香港專業電競杯 Hong Kong Professional eSport Cup」六款遊戲及賽事介紹：
《Rainbow Six Siege》，屬現時最多人遊玩嘅 5v5 射擊遊戲之一，而且係國際賽事上亦都見到多國職業戰隊參與。遊戲中玩家可以選擇不同特勤幹員為角色，每位幹員設備各有特色，令到每場戰鬥都千變萬化、緊張刺激！
每場戰鬥玩家會分為攻擊方及防守方，回合開始後攻擊方可以使用無人機探查地圖不同地方試圖找出防守方的位置，並且可以破壞牆壁又或者於建築物外側進行繩降；而防守方則要破壞無人機、用木板封阻門窗、加固牆壁等等。遊戲目標為攻擊方必須攻堅並完成任務，防守方則要防止攻擊方達成勝利條件。
「香港專業電競杯《Rainbow Six Siege》」詳情及報名連結：//www.vjgamer.com.hk/hkpec-r6-2
《傳說對決》係一款多人線上戰鬥競技場遊戲（MOBA），遊戲現時有 iOS、Android 及 Nintendo Switch 版本，主打 5 vs 5 對戰。每位玩家可以自由選擇一位「英雄」角色，而每位英雄都各自有獨特的能力。遊戲過程中，玩家需運用比賽中得到的金錢來購買道具，讓英雄變得更強以殺死敵方英雄或更好地幫助友方英雄。玩家在遊戲中需要彼此合作、與對方的團隊競爭。遊戲以破壞對方團隊主堡為目標，每場遊戲平均時間大約為5至35分鐘，屬現時手遊平台最多人有玩的 MOBA 類型遊戲。
「香港專業電競杯《傳說對決》」詳情及報名連結：//www.vjgamer.com.hk/articles/2018/11/12/46501/hkpec-aov
《Street Fighter V AE》係最為人所熟悉的格鬥遊戲之一，香港一般稱為《街頭霸王》，本作為系列第五集。遊戲內擁有大量耳熟能詳角色，例如：春麗、隆、蘇聯佬、軍佬等等。遊戲採用一對一戰鬥，玩家可以自由選擇操控的角色，而每位角色除咗黎自不同國家之外，仲會有自己獨有必殺技、超必殺技等等。
而係香港《Street Fighter V AE》高手眾多，最近更有香港選手打入世界知名格鬥比賽 Red Bull Kumtie 最終十六強，遠赴法國挑戰各國高手。不論你係想挑戰自己身手，累積比賽經驗；又或者係想觀賞一眾高手較量，今次盛事你又點能夠錯過！
「香港專業電競杯《Street Fighter V AE》」詳情及報名連結：//www.vjgamer.com.hk/articles/2018/11/16/46731/hkpec-sfv
《Gundam Versus》屬高速對戰動作遊戲，玩家可以自由選擇自己操縱的機體及支援機，與隊友開二對二決戰。遊戲擁有多代高達作品參與，可以展開不同年代的高達夢幻對決。
《Gundam Vesus》每次舉辦比賽都可謂臥虎藏龍，上一次我們舉辦的比賽更有海外高手參與，更出現細機炒大機罕見對決，真係驚喜連連！想試下自己係咪真係咁勁，又或者想交流下都係一個寶貴既機會！而且今次仲係首次有網上直播的《Gundam Versus》電競賽事，有獎金、有豐富獎品、仲有得 Show off，快啲搵埋隊友參加啦！
「香港專業電競杯《Gundam Vesus》」詳情及報名連結：//www.vjgamer.com.hk/articles/2018/11/21/46923/hkpec-gvs
《第五人格》遊戲中，玩家將扮演偵探奧爾菲斯，係收到一封神秘委託信之後，進入莊園調查一件失蹤案件。在進行證據調查過程中，玩家將對案情進行回顧。當處於案情回顧時，玩家可以選擇扮演屠夫（擊倒3位求生者即獲勝,2位則平手,1位則失敗）或求生者（破完5臺密碼機即可開啟大門,當破完2臺密碼機，且只剩1人時，地窖即會開啟）展開對抗。
《第五人格》遊戲屬於不對稱競技，自推出以來深受廣大玩家歡迎。今次比賽屬官方首次正式認可電競賽事，機會難逢，各位求生者同屠夫準備好未？
「香港專業電競杯《第五人格》」詳情及報名連結：//www.vjgamer.com.hk/articles/2018/11/23/47234/hkpec-idv
《Dragon Ball Fighter Z》屬 2D 平面格鬥遊戲，玩家可以選擇三名角色組成隊伍，戰鬥過程中可以配合戰況切換角色、助攻或是使出三人合力的必殺技。遊戲擁有極之豐富的連段，而且觀賞度極佳，更成為全世界最大型格鬥比賽 EVO 今年最多人報名參賽的項目，受歡迎程度可見一斑。
《Dragon Ball Fighter Z》推出口大受玩家歡迎，今次更加係香港首個正式獲得官方授權比賽，廣大嘅 Z 戰士們挑戰自我既時候，就是現在了！
「香港專業電競杯《Dragon Ball Fighter Z》」詳情及報名連結：//www.vjgamer.com.hk/articles/2018/12/02/47332/hkpec-dbz