早前介紹過嘅大亂鬥型遊戲《バクレツモンスター (爆裂怪獸)》,又會推出新合作活動喇。
今次係聯同DC漫畫嘅電影『ニンジャバットマン』《Ninja Batman》合作推出3位抽蛋角色及2位降臨角色!

事不宜遲，帶大家睇下3位抽蛋角色先！
留意返三位角色造型有兩款，係進化之後造型都會隨之變化


首先係Batman，Batman屬於火屬性角色，招式發動相對比較快，兩招sub skill分別係利用鉤索快速究進去敵人身前攻擊同埋忍者刀3連斬，而main skill就係召喚大量蝙蝠製造連擊。

相信Batman會係速度型近身嘅王者。

至於貓女Catwoman就係水屬性角色，第一招sub skill使用招牌皮鞭進行大範圍攻擊，第二招就係閃身到敵人身後進行反擊，最後main skill係用爪瘋狂連擊。Catwoman出招如果唔中，唔止浪費左招技，仲有機會會俾敵人乘虛而入。

最後到反派Joker，木屬性嘅Joker有遠距離攻擊，亦有第二招sub skill以霸體強攻，最後main skill全場放落石，霸氣又實用。全能型以力量全面製壓敵人，有心嘅根本無辦法埋身。

Gorilla Grodd同Harley Quinn就係以降臨角色登場，等大家挑戰！

佢地進化都有唔同嘅造型架！

Gorilla Grodd係力量型角色，每個招式起手都比較慢，但佢main skill可以大範圍地令敵人暈眩。

Harley Quinn主要以遠距離為攻擊手段，加上大槌以大範圍攻擊，中遠距離都相當撠手。

大家睇下最新嘅宣傳片，課定金啦！

另外2vs2嘅對戰系統亦都實裝喇，大家可以同朋友一齊組隊對戰喇！而鬥技場嘅組隊對戰將會預定係11月30日後實裝！