作為蘿拉 Reboot 三部曲最後一部既《Shadow of the Tome Raider》，雖然已經推出一段時間，但係廠商依然會有持續更新，最近佢地既更新「The Forge」就選擇係一堆大作推出既十一月檔期入面上架，睇黎真係信心十足，我地就睇下今次呢個 DLC「The Forge」到底有啲乜野咁吸引啦！

係今次既 DLC 有新衫新武器呢類廢話就唔講啦，比較特別既係新增既古墓地圖，入面滿佈高溫既岩漿，一唔小心就會變紅燒蘿拉。不過最大既重點新古墓加入線上雙人合作模式，玩家可以同朋友共同遊玩，亦都可以單人遊玩。當只有一名玩家時，古墓入面既裝置會變成有時間限制，玩家需要動作快啲，如果唔係夠鐘機關就會回復原狀，有玩過舊版既玩家相信唔會陌生。當有兩名玩家時，就唔會有計時系統，二個人慢慢解謎就可以，輕鬆好多。

當然話就話係雙人合作，但係唔好諗住會有二個蘿拉。係雙人模式下一位玩家會扮演蘿拉，另一位玩家就會扮演之前見過既「Abby」。等咗咁耐，系列終於肯加入線上合作模式，希望係之後既續作亦都保留呢個元素啦。

另外今次 DLC 仲加入「Score Attack Mode」同「Time Attack Mode」，對自己身手有興趣既玩家不妨挑戰一下。《Shadow of the Tome Raider》DLC「The Forge」現已正式上線，對應平台為 PS4 / Xbox One / PC。