由 From Software 製作，係 2015 年推出既《Bloodborne》（血源詛咒）一直備受大量玩家喜愛。一直咁受歡迎既遊戲當然會有玩家嘗試去破解，睇下入面會收埋啲乜野未比人發現，最著名既相信就係 sanadsk，佢搵到大量被刪減既裝備、Boss 等，亦有人創建有被刪減 Boss「月之精靈」、「古神野獸」金杯比大家挑戰。而係遊戲推出三年後，估唔到仲會有被刪除 Boss 未比人發現，呢隻就係「蛇玉」！

搵到呢隻被刪除 Boss「蛇玉」既玩家叫做 Lance McDonald，佢都有解釋點解呢隻 Boss 隔咁耐都無人搵到。原來大部份探查遊戲內容既玩家，佢地都係透過第三方工具黎查看遊戲內既敵人模組，

之前可能都有人見過「蛇玉」，不過因為無顯示到正確比例，所以誤以為「蛇玉」只係一隻常規蛇敵人。而 Lance McDonald 佢係使用內置引擎模型查看器，佢會顯示敵人既正確比例，根據顯示「蛇玉」既 Size 仲大過白羊女阿梅莉亞主教，所以「蛇玉」絕對係 Boss 級既敵人！

計 Szie 仲大隻過佢！

係影片內見到「蛇玉」似係平時禁忌森林果種蛇怪放大版，攻擊模式同樣係有衝前咬、噴毒，遠距離則會係地底召喚蛇頭出黎攻擊。不過係影片見到「蛇玉」攻擊頻率似乎都幾低下，攻略難度應該唔會太。而「蛇玉」身處既地方正正就係禁忌森林 Boss 房，即係正式版打雅南三基佬既地點。

會係地底召喚蛇頭衝出黎咬你

相隔三年《Bloodborne》都仲有新野比人挖到出黎，令人更加期待續作既推出，雖然仲未有官方消息，但係最近 From Software 新作已經透露佢地有呢個打算，希望快啲有正式公布啦！

相關回帶文章：

【我有一個夢】FromSoftware PSVR 遊戲《DÉRACINÉ》真係有《Bloodborne 2》彩蛋？