「荷里活真人化」呢件事對於你黎講，係開心，期待，定係你會忍唔住皺眉頭？繼《名偵探比卡超》同《洛克人》宣佈真人化之後，下一個同到「青睞」嘅作品，係《少年 Jump》大熱作品《我的英雄學院》。

呢套由堀越耕平老師創作嘅作品，2014 年起開始在《少年 Jump》上面連載，推出以來人氣極高，動畫化已經製作緊第四季，亦有輕小說、劇場版、手機遊戲等衍生產物，今年 8 月更加由 Bandai 推出左名為《我的英雄學院 One’s Justice》嘅家用機遊戲（PS4 及 Switch）。

根據外媒 The Hollywood Reporter 今日較早時份嘅報導，荷里活將正式開拍《我英》嘅真人版電影，拍攝公司繼續係美國公司 Legendary （傳奇影業），無錯，即係曾拍攝電影《金剛：骷髏島》以及《悍戰太平洋2：起義時空》嗰一間！

問題又黎喇！呢套作品，會唔會有景甜？

我真係好唔想問呢條問題，但係無計，Legendary 老是常出現呀！