備受全球玩家期待嘅《Red Dead Redemption 2》聽日就正式上架，相信大家睇完之前我寫嘅【Red Dead 團隊工時超長＋遊戲容量超大】應該都已經為部 PS4 做好哂準備 LOL！

準備好 PS4 之餘，都麻煩大家準備好埋你部電話或者 iPad。事關《Red 2》遊戲會同時推出連攜 App，明日遊戲推出之後便會同步上架。

由於遊戲地圖太大，所以 Rockstar 推出呢個 App，玩家可以同步遊戲中地圖進度，唔止可以喺手機上面 Mark 低自己下一步目標地點、亦可以於 App 中查看地圖上的事件。同時，呢個 App 就好似玩家嘅「日記」咁樣，可以見到主角 Arthur Morgan 嘅即時狀態同埋個人資料，希望可以減輕玩家 In-game HUD 嘅消耗。

同時，玩家可以經由呢個 App 連接 Rockstar Social Club，好似話你可以課金 Access 官方攻略指引添 LOL

App 實際使用畫面

你可能會話「出埋 App 咁勁？個地圖真係咁大咩？」，無錯，真係好大，根據外媒 Gamespot 嘅報導，reddit 用家 tomcruise_momshoes 早前就將各種試玩入面截得嘅畫面圖片組合成完整地圖，比各界玩家先行參考，相信圖中係玩家嘅 Playable Area…。

地圖咁大，嗯，爆肝準備好了嗎？