以《白貓 Project》出名嘅 COLOPL Inc 新作 《バクレツモンスター (爆裂怪獸)》,唔知係咪同老任 Friend 返嘅關系,玩法同老任大亂鬥真係差不多,只係冇場上道具同場景陷阱之類,純粹角色技能同玩家操控之間嘅對戰!

單手操控,掃兩下回避,撳Mon就攻擊,同《白貓 Project》嘅操控大同小異

講得大亂鬥咁玩,當然有多人對戰模式。四人對戰,不過暫時就未有團隊 2V2。

而平時養寵升寵就要喺大地圖探索冒險

如果你今日(10月24日)開 Game,仲有機會抽到 POP子 同 PIPI美呢對惡搞二人組嘅限定角色

不過如果你係《白貓 Project》嘅 Fans 就等聽日先抽新角啦!
不過隻 Game 喺 PVP 嘅平衡度暫時都唔算做得好好,但勝在成隻 Game 玩得非常爽快,每日嘅對戰規則都唔同,所以隨時弱隊都打得入。靜靜雞話你知,首抽仲要好快,唔啱心水咪再嚟過!
隻 Game 已經喺日本 App Store 同 Google Play 上架,想追限定就要快啦!