大熱 PS4 遊戲《Spider-Man》推出咗都好一段時間，相信要爆機嘅已爆機，要白金嘅亦都已白金（編輯部感想文在這裡）；如果你仲想回歸紐約都市，蜘蛛仔 DLC《The City That Never Sleeps（不夜城）》嘅第一彈《The Heist》即將於聽日上架，即係話今晚 00:00 就有得玩啦！

第一彈 DLC 嘅主角係黑貓，大家如果喺遊戲中有玩哂啲支線嘅，應該都會對「黑貓真人幾時出現」感到頗為期待。黑貓（Black Cat）絕對係《Spider-Man》原著入面非常經典嘅角色之一，亦係一個非常具有魅力嘅反派角色，至於佢同蜘蛛俠之間曖昧嘅關係……知道嘅朋友，我地唔好講咁多，留返啲想像空間比其他玩家！

（不過如果黑貓同 MJ 只能二揀一，我投黑貓一票 LOL！）

DLC 內容除咗有黑貓劇本之外，仲包含埋蜘蛛俠三件新裝：

三件新裝分別為「Kaine Parker’s Scarlet Spider」「Resilient Suit」以及黎自《Spider-Verse》嘅「Spider-UK」，衣裝技能以及解鎖方法，就留待玩家今晚玩 DLC 時慢慢研究了。

至於尋晚實裝嘅免費更新「New Game+ （NG+）」則提供咗最高難度比玩家再挑戰遊戲，如果你同我一樣覺得原本嘅困難都係唔夠難嘅話，今晚似乎可以考慮返去紐約玩蜘蛛絲。

最後送上 DLC 第一彈嘅宣傳影片：