原定 2019 年 2 月 22 日推出嘅喪屍末日開放世界動作遊戲《Days Gone》今日正式於 PlayStation 官方 Twitter 上面宣佈延期，正式發售日改為 2019 年 4 月 26 日。
呢隻公佈初期備受關注嘅作品，隨住喪屍題材普及化、E3 2018 上面又比其他遊戲搶哂鋒頭之後，我原本都好擔心佢推出之後或者會成為炮灰，因為 2019 年頭推出嘅大作遊戲實在太多！由 1 月尾開始，《Kingdom Heart 3》《Biohazard RE: 2》《鬼武者 Remaster》等作品一隻接一隻，而《Days Gone》原定推出日 2 月 22 日更加係同 EA 多人聯機《Anthem》撞到正，所以，官方表示「想進一步提昇遊戲品質」而延遲遊戲，絕對係明智之舉。
PS4®用ソフトウェア『Days Gone』(デイズ・ゴーン)に関しまして、できるだけ多くの皆様にプレイしていただけるタイミングを鑑み、2019年4月26日に発売日を変更いたしました。
今後さらなるブラッシュアップを行いますので、発売まで今しばらくお待ちください。#PS4 #DaysGone pic.twitter.com/msYoCPj9hj— プレイステーション公式 (@PlayStation_jp) October 19, 2018
面對住《Days Gone》延期嘅消息，唔少網友一方面表示可惜，但係亦都好多人表示「2 月推出真係攞黎搞」。咁又係呀，2019 年 4 月尾相對黎講，目前都仲係無咩大作，遊戲等到嗰時先出，話唔定反而吸納到更多玩家都唔定！
最後送上遊戲最新影片：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。