今晚放工唔知有咩做嘅話，我地有介紹比你！動作遊戲《GOD EATER 噬神者 3》今日開放免費試玩，玩家只需要去日版 PSN 下載遊戲，踏入日本時間 13 號 00:00 就可以正式試玩遊戲！一隻動作遊戲好玩與否，淨係睇影片同埋睇文字介紹始終差少少，難得有限時公開活動，玩家們即管去試玩無妨。
今次呢個「動作體驗版」係限時開放的，玩家要注意返。
留意開日系動作遊戲嘅朋友，相信都對《GOD EATER》系列唔會陌生；《GOD EATER 3》已定於 2018 年 12 月13 日公開發售。
講開又講，團隊部份成員另一重頭作品《CODE VEIN》，原本都話今年年尾出，早前就宣佈延期至 2019 年尾，其實呢個決定都算相當明智，自己公司無理由出一隻 Game 同期自己打自己架嘛，擺年頭又會同《隻狼》撞……雖然《CODE VEIN》仲係有好多不明朗因素，既然係咁，大家玩住《GOD EATER 3》先 LOL
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。