Marvel木製模型開箱! 唔駛膠水都砌到!

大家以前接觸開嘅木製模型多數係交通工具丶動物或者名勝，題材有少少單調，而且可能仲要用白膠漿先可以完成到，今次就同大家介紹下呢套由 Marvel 授權，JIGLE 推出嘅 Marvel 系列木製模型，款式包括 Iron Man 丶 Captain America 盾牌丶雷神鎚丶Antman丶仲有 Thano 隻無限手套，今次就揀 Antman 開箱，落手砌下係咪咁好玩先!

每款除咗有說明書丶木製部件，仲有本精美小冊子，介紹英雄資料背景及其電影作品資料

說明書唔算複雜，砌開 Lego 嘅朋友都應該易了解及上手

每個部件都輕易分件，但不宜太大力，始終木比平時嘅塑膠模型脆

部件組裝算係簡單，用陰力就可以完成又唔會整爛

每個detail位分件都多，好似膊頭位置都細緻呈現

雖然係木塊部件，但都可以呈現複雜部分，Antman噤制手勢都可以呈現到

雖然呢款 Antman 係系列中屬於最高難度，但對我呢d手殘兼無乜砌模型經驗都可以應付到，花15mins都已經砌到大半

花多10mins砌埋表面部件就大功告成!

完成品比6吋仲要高少少

完成品好硬淨唔會甩頭甩骨，外形比我想像中更細緻，由頭盔丶腰帶丶以及脊部儀器嘅 detail 位都可以呈現到，而且有d部件亦有線條紋理處理，令到呢隻木製 Antman 更加忠於原著，唯一缺點係頭盔部分做唔到接駁喉管，但始終係木製模型，造型有80%已經係非常抵讚! 呢款 Marvel 木製模型賣緊百幾蚊左右，性價比尚算合理，Marvel fans 不妨買黎砌下收藏。

除咗 Marvel 系列，JIGZIE 仲有砌得又玩得嘅 JIGZLE AR MOJI系列 及 JIGZLE STEM系列，大人小朋友都啱玩!
(官方資料)
JIGZLE AR MOJI系列

首推的Moji系列共有五個角色，包括有：日本武士、藝妓、王子、公主及辦公室男，而辦公室男更只會於Landmark的Codelab獨家發售。

－ AR Moji系列是JIGZLE首次自家研發及製作出來的本土AR產品，客人購買了Moji系列回去，砌好了模型，下載了應用程式就可以掃描模型使用，我們可以根據個人喜好，為角色轉換造型、表情等等，而且可以點擊場景，會有不同的效果出現，更有實景拍攝模式，可將Moji帶到任何地方拍攝。始終應用程式只是剛剛推出，它將不斷的優化及更新，JIGZLE自身擁有多個國際知名電影及卡通的版權，在不久的將來更會將多個知名角色融入AR Moji系列，推出Multi play模式、連線對戰等等功能，定必引起粉絲們注意！

JIGZLE STEM （將於10月發售）

JIGZLE STEM －是由JIGZLE教育產品系列設計團隊，聯同香港城市大學電子工程學系應用程式實驗室共同開發，首先推出的是「智能編程地球儀」，當小朋友將底板及模型拼湊好後，我們需要利用電腦並下載了JIGZLE製作的專用編程軟件，便可開始試驗，利用WI-FI傳送相對簡單的指令可令地球儀開關燈、左右自轉，地球儀上印了地圖，小朋友可以根據自己想法去實行指令，如：「想由香港飛到美國」，類似這樣的問題，需要計算到轉動速度、時間、距離、早上還時晚上多個問題，這驅使小朋友活腦袋，達至STEM的目的。

－而眾所周知，香港城市大學的水底機械人多次獲得多個國際獎項，JIGZLE更有意將這個作品引入到JIGZLE STEM系列當中，除了基本的防水設計外，JIGZLE設計團隊更要突破種種物料上的困難，例如如何令木塊可以潛到水底？木塊長時間浸濕了水後，會令木塊消耗速度加快，需要為木的表面加一點工夫嗎？等等的問題。但這無疑是一個非常吸引的產品！