早二年推出，同時具備喪屍 x  跑酷 x 生存要素既作品《Dying Light》，一直都有極佳口碑，雖然第二集就仲未知幾時有得玩，不過同樣由開發商 Techland 製作既《Dying Light: Bad Blood》就已經有得玩啦，餓咗喪屍 Game 好耐既朋友準備好未？

《Dying Light: Bad Blood》屬第一身近戰線上多人遊戲。同原作唔同，本作主要玩法係集合 12位玩家，係充滿殭屍區域內，透過提升自己能力、戰鬥技巧、跑酷技術，互相廝殺直都剩最後一人取勝，亦即係大家所熟悉既「大逃殺模式」。

但係本作特別之處係揉合咗作品既特式：「跑酷」x 「喪屍」。玩家進入場上，除咗要搵斧頭、錘仔、球棒等武器之外，另一個重點就係要把握時間去擊殺喪屍，或者摧毀牠們既巢穴，收集鮮血樣本提升等級。當然玩家仲可以尾隨其他玩家，殺死佢之後再拎走佢地身上既樣本。

另外由於最後勝出條件係要抵達直昇機所在地，所以玩家亦可以利用自己既「跑酷」技術，先一步抵達直昇機再暗算其他玩家，總括而言，本作將同時有 PVP 及 PVE 要素，非常刺激！

《Dying Light: Bad Blood》而家已經係 Steam 上做緊搶先體驗，而且仲得到大多好評評價，有興趣既朋友可以試下。

《Dying Light: Bad Blood》Steam 傳送門