左起：晴美公主(憎恨歐尼面具) Harumi、阿光(未來) Future Jay、「伽瑪當之子」電單車手 Mohawk、赤蘭(藝伎) Nya

晴美公主(憎恨歐尼面具) Harumi，面具同發售版本最大分別係唯一嘅”開口”版本

打開面具，晴美公主亦有雙表情

故事設定上戴左憎恨歐尼面具 Oni Mask of Hatred 嘅人就會變成岩石而刀槍不入，所以見到晴美公主身上嘅印刷都係岩石花紋

阿光(未來) Future Jay 其實係藍忍阿光喺 Tomb of the First Spinjitzu Master 所見到嘅未來景象而產生嘅角色

配件同表情都就係眼見咁多

配件雖少但印刷嘅仔細搭救

「伽瑪當之子」電單車手 Mohawk，今年 Ninjago 新一季嘅角色，組織 伽瑪當之子Sons of Garmadon 成員之一

好多玩家見過今年嘅 Ninjago 系列好有 Mad Max Feel，唔知你又點睇？

有埋剷青架

淨係支官方出嘅金屬棒球棍加埋啲紋身，Mohawk 已經值得 Fans 們擁有

睇埋身上嘅印刷，電單車黨愛好會唔會打算入返盒玩下？

赤蘭(藝伎) Nya，同藍忍阿光一樣，都係出現過一次嘅角色造型

一件配件、兩組表情，難得地個樣奸到出汁

如果本身對 Ninjago 冇愛嘅話，就考慮下會唔會比啲配件吸引到你啦！

左起： Madam Rolanda Hooch(胡奇夫人)、Prof. Horace Slughorn(赫瑞司·史拉轟)、Prof. Dolores Umbridge(桃樂絲·恩不里居)、Prof. Severus Snape (賽佛勒斯·石內卜『叱叱，荒唐』化造型)

Madam Rolanda Hooch(胡奇夫人)飛行課嘅教授，電影中就只係出現過喺第一集，而且佢嘅 LEGO Minifigure 都只係出過兩 Set 咁多，對上一款已經係 8 年前嘅 4737 Quidditch Match

雙表情嘅胡奇夫人，不過被風質料就同其他 Minifigure 嘅相對軟身同比較厚

可惜嘅係胸口沿用前兩款嘅霍格華茲 大H LOGO 而唔係用上今次 Minifigure 系列中西追胸前嘅 霍格華茲四色 LOGO

Prof. Horace Slughorn(赫瑞司·史拉轟)，故事中比較後期登場角色，雖然係史萊哲林學院導師，但完全冇史萊哲林學院嘅大野心負面形象。而史拉轟教授亦係首次 Minifigure 化

史拉轟教授除左雙表情之外，配件跟支藥品水係提醒返 Fans 佢係魔藥學教授，但唔好同劇中一樣誤會佢係代恩不里居教黑魔法防禦術

服裝印刷上簡單還原

順帶一提，Fans 如果想還原史拉轟教授四方帽造型，咁就要搵第 5 代 Minifigures 嘅 Graduate 或者 2014 年出品嘅850935 Classic Minifigure Graduation Set

Prof. Dolores Umbridge(桃樂絲·恩不里居)，應該係哈利波特 Fans 心中最討厭角色三甲之一。當年只出現過喺 5378 Hogwarts Castle 之後就一直到呢 Set 先再有佢嘅 Minifigure

恩不里居呢個憎恨表情真係令 Fans 們又愛又恨

憎還憎，但印刷仔細度係呢 Set 最高嘅一隻

Prof. Severus Snape (賽佛勒斯·石內卜『叱叱，荒唐』化造型)，呢 Set 當中唯一一隻”一幕限定”角色，第 3 集阿茲卡班的逃犯中路平教授教黑魔法防禦術嘅時候奈威使用『叱叱，荒唐』後令內心恐懼嘅石內卜教授變化成嘅效果。雖然對上一次登場已經係 2004 年嘅4752 Professor Lupin’s Classroom，但配件同印刷進步左咁多嘅情況下，你冇理由唔入掛？

荒唐·石內卜嘅相表情都只係錦上添花

拆左條圍巾之後可以清晰睇得見身上嘅印刷花紋

所有製作技術都進步左之係再次登場嘅角色，71022 Wizarding World Collectable Minifigures 如果你已經入手的話，呢盒 5005254 Harry Potter Minifigure Collection 基本上冇乜藉口唔入埋