係日前舉行既「PlayStation LineUp Tour」入面，FromSoftware 釋出預定於 2019 年 3 月 22 日推出，仲處於開發階段新作《隻狼：暗影雙死（Sekiro: Shadows Die Twice）》最新影片，片段展示咗全新動作「彈牆」以及充滿忍術味道既敵人，令人更期待此作。
新動作「彈牆」，好似洛克人X咁彈！
《隻狼：暗影雙死》由著名動作遊戲《Dark Soul》開發商 FromSoftware 製作，遊戲背景設定為 16 世紀日本戰國時代末期，舞台則設定為一個叫做「葦名」既虛構地方。玩家係遊戲中將扮演一位失去左手，以裝上內藏機關義肢代替既忍者「隻狼」，為咗拯救主公而踏上旅途。
而係今次影片入面，除咗睇到更多匿蹤潛行、暗殺等畫面外，仲有新既敵人展示企係線上面戰鬥既「漂浮之術」，以及展示新動作「彈牆」，似乎處於狹窄空間時係無法使用飛索，所以需要用「彈牆」先可以到達高處。同時影片仲透露「隻狼」手執既武士刀「不死斬」係由一位神祕女性所給予的，到底佢身份係咩，會唔會係防火女之類既角色，留待日後揭曉。
神祕女人擔任咩角色呢？
新敵人使用忍術立於空中
《隻狼：暗影雙死》預定於 2019 年 3 月 22 日推出，對應平台為 PS4 / Xbox One / PC，將會有繁體中文版同步推出。
《隻狼：暗影雙死》初回限定版
《隻狼：暗影雙死》典藏版（e-Capcom 限定）
動漫電玩宅，極愛金田一系列，擅長動作及策略遊戲