作為《少年 Jump》月刊上面嘅重量級作品，《全職獵人 Hunter x Hunter》由 1998 年連載至今……無錯，係連載左二十年後故事都未完結之後，官方今日有新消息公佈，就係即將推出作品衍生嘅 3D 動作 RPG 手機遊戲，預計今年冬天開始配信，而家開始事前登錄！

呢隻名為《HUNTER×HUNTER Greed Adventure》嘅遊戲，故事發生喺「貪婪之島」篇完結之後，獵人協會再次發出「Greed Island 2 Beta 測試玩家召募中」嘅邀請，小岡與基路亞因此從新回到遊戲裡面，卻遇上神祕少女「スフィカ」，佢係今次 Beta 測試嘅關鍵人物，同時佢亦同對幻影旅團十分執著……

玩家嘅責任就係一路完成重臨「貪婪之島」嘅挑戰，以及搵出獵人協會嘅陰謀。

神秘少女與「貪婪之島」

遊戲採取 RPG 玩法，戰鬥操作玩法唔算難，玩家可以於遊戲中抽取「念能力卡」去強化豐富戰鬥，一聽就知道係一個課金坑！

至於其他玩家熟悉嘅角色當然都會穿插在遊戲當中，包括成為十二支的古拿比加、希索加、團長、以及喺原作中段存在感變得極低，但係去到「暗黑大陸篇」時居然成為獵人協會會長候選人嘅里奧里奧（喂）

作為《獵人》多年來不死心的讀者，呢隻 Game 總有吸引我嘅要素，包括大量過場動畫以及親切嘅場景等等！如果你同我一樣有興趣今年年尾打貪婪之島，馬上去呢度事前登錄吧～

【事前登錄按這裡】