有玩過《Bloodborne》嘅朋友應該都對遊戲中第一個 Boss 索柏（喬巴）聖職者之獸有很深印象，因為佢應該係成隻 Game 最易打嘅 Boss LOL

記得剛剛入 Game 時已經覺得「雅南」場景真係整得好靚（OK，係成隻 Game 都整得好靚），啲歌德風維多利亞式建築真係做得極為出色。如果我同你講有網友搵到極似呢場 Boss 戰嘅場景，你又會唔會有興趣親身去睇一次先？

打聖職者之獸嘅雅南大橋

唔駛進人獵人夢境，各位團友我地即刻去實地考察！登登登登！

就係樓上呢條橋啦！啲遊客圍住嘅就係點燈嘅位置！（誤）最衰我唔識用 Photoshop 加工，如果唔係較一較啲 RGB 應該可以重現番遊戲中陰森嘅感覺（笑）

其實呢個地方同「聖職者之獸」條橋真係咁啱得咁橋「橋有相似」，發現者係 Twitter 網友 MenasLG，話說呢個 Post 出左街之後，Bloodborne 官方 Twitter 都有 Share！雖然我相信宮崎英高一定唔會話比大家知遊戲中嘅場景係參考左啲咩先會創作出黎，不過打過《Bloodborne》嘅朋友應該見到呢個畫面，多少會有點熟悉感。

呢度其實係意大利熱門旅遊景點之一，名為「米蘭主教座堂」，位於米蘭市中心，落成於 1386 年。如果你黎緊打算歐遊，不妨將呢個地方列入你嘅景點之一～