作為一個 LEGO 愛好者，我對第三方 Minifigure 嘅取態就只係，官方有版權有甚或至出產過嘅作品，我就唔會買唔會玩，始終在我角度而言，作品幾好都應該尊重知識產權，但今日我地唔係探討呢個問題，而係有其他好野介紹比大家！近年的確多左好多玩家收藏第三方 Minifigure ，而且亦見到作品質素的確越嚟越高，並且不論印刷或者模具生產成品都越嚟越仔細。

呢隻羅馬兵仔內裡係官方件之外，由武器到盔甲都係模具製作，而且跟足歷史上羅馬長盾兵去製作架！

9月1日星期六喺荃灣 華力工業中心5樓B,C室 夢想玩具館 會有一個一是限定嘅展覽。除左有我提及過我唔玩唔買嘅產品展出，但係有啲第三方 Minifigure 真係可以用藝術品角度去觀賞。

呢度排好晒嘅 Minifigure 都各有不同，冇重複架

不同廠商所出品嘅動漫電玩同電影角色，你認得幾多？

仲有啲係館主私人收藏，到時會唔會展出就要到時先知啦！This is Sparta!

We Are Collectors 人の收藏展

展覽日期：2018年9月1日 星期六

時間： 15:00-20:00

地點：華力工業中心5樓B,C室 夢想玩具館