自從年頭《Monster Hunter World》推出之後，PS4 Pro 既用家大增，係啱啱過去既動漫節都不時見到人買返部 PS4 Pro 看門口。但係有樣既有趣既現象，就係身邊有唔少朋友買咗 PS4 Pro 之後，並無換埋部電視又或者顯示屏。理由千奇百趣，最常見既就係好多人都係擺係書枱又或者房入面玩，但係絕大部份既電視要去到 40″ 以上先有 4K。係呢個情況下就只能選擇顯示屏，但係專係比家用機使用既顯示屏市面上選擇極少。最近 BenQ 就推出一隻專係設計比家用機使用既 4K HDR 顯示屏，我地有幸拎咗隻返黎試用，立即為大家介紹下！

係近年黎 BenQ 係電競範疇做得非常出色，而且係世界上最多大型比賽使用既顯示屏品牌，原來佢地專門做電競產品已經有七年歷史，屬行內最先發展該範疇品牌。佢地今次推出既 28吋 4K HDR 顯示屏 EL2870U，支援 3840 x 2016 @ 60Hz 4K UHD 解析度，以及 HDR 高動態範圍技術，而反應速度亦達電競顯示屏標準 1ms，最重要既係佢有 10bit 色深規格，基本上已經比同級顯示屏更優秀。除咗 Spec 強勁之外，原來佢地旗下電競品牌 BenQ Zowie 已經同歐洲 PlayStation 簽訂咗合作協議，屬唯一 PlayStation 官方認可電競顯示屏，絕對係信心保證！

後面有基本 100x100mm Wall Mount 洞，想掛上牆絕對無問題

基本有 HDMI 2.0 x2，Display Port 1.4 x1 夠晒應付一般需求

BenQ Zowie 屬 PS4 唯一指定電競屏幕品牌，信心保證

數字上夠晒睇頭，咁實際表現又如何呢？我地用 EL2870U 分別試咗幾隻遊戲黎測試佢係咪真係咁正，咁佢既定位係專為家用機電競而設，首先就梗係要試下佢既流暢度啦！我地先用《Dark Soul Remastered》黎試，因為呢隻遊戲係鎖定 60Fps 的，採用機種為 PS4 Pro，立即去片！

實測過後，感覺只有一個「爽」字可以形容，動作乾淨俐落，完美展示到遊戲 60Fps 既流暢度，抵讚！順帶一提，EL2870U 自帶喇叭，仲幾夠聲添！

再黎我地又試下高速下既表現如何，我地今次就用競速遊戲《The Crew 2》黎測試。係高速下，遠景有少量殘影，但係海水及船身表現亦都頗為穩定，可惜既係影片無法完全顯示實際環境，不過現實質素絕對優異，而且仲會有個後遺症……就係連我地既編輯用完都話返唔到轉頭。

試完速度，跟住就要睇個佢個 4K+HDR 係咁真係咁正。我地試咗幾隻遊戲，分別係《Monster Hunter World》、《Final Fantasy XV》及《Detroit》。

賊龍同炫鳥紋理表現出色，顏色分佈均勻

場景光暗位亦都掌握得唔錯，尤以黑位表現更為出色

換 FF 測試，各地方細節位盡現，4K 真係唔係浪得虛名

啲景真係靚到嘔……

試埋《Detroir》，主要試下 HDR 黑位表現，就算係極黑位都仲見到 Detail，好正！

最後換返隻 Full HD 解析度既型號試下《Detroit》，當時大家都話「可唔可以換返頭先果隻Mon」

除咗基本既畫面表現、速度之外，呢隻顯示屏仲有一啲幾貼心既功能。當中有專係設計比大家長時間使用既護眼設計，包括不閃屏、低藍光以及 BenQ 獨創既 B.I.+ 模式（自動調節亮度、色溫，根據使用時間自動變暖色調，減少冷色調光源對人眼傷害），而且仲有德國醫學認證，唔係得個吹字。

另外佢仲預設咗幾種圖像模式，包括標準、HDR、影院 HDR 、低藍光、遊戲、圖片、sRGB 、Rec.709、超分辨率、智能對焦、動態對比、顯示模式等等，組合非常豐富。另外佢既  HDR 模式，如果唔係播放 HDR 內容或者係玩 HDR 遊戲，佢都可以使用模擬 HDR 效果，睇圖睇網頁都會爽啲。

總結

我地編輯部測試完，真係可以同大家講聲不論係反應速度、流暢度、畫面細緻度、顏色表現等等都屬上乘，而且價錢亦都絕對舒服。買咗 PS4 Pro、Xbox One X 但係又未換 Mon 既，我地絕對誠意推薦你試下 BenQ EL2870U，如果想親身試下有幾正，而家係旺角信和中心 M19 電氣良品有 Display，上去玩下啦！

BenQ EL2870U 28吋4K顯示器

售價︰HK$3,699

查詢︰BenQ (2330-6760)