係 Gamescom 遊戲展度，Ubisoft 公開咗一隻估佢唔到會出現既遊戲，呢隻就係經典策略模擬系列《工人物語》（The Settlers）係首部作品發售 25 年後，係原製作人 Volker Wertich 領導下重啟新作。當年呢隻令人極沉迷既遊戲，再次返黎，大家準備好瞓少啲未？

背景係中世紀幻想世界，大家需要係呢個世界裡面進行各種指令，探索及征服各地，屬於策略模擬類遊戲。係今次影片中，大家可以再次見到「收集」、「生產」、「建造」、「運輸」等熟悉既玩法，當然發展「軍事」、「貿易」呢啲手段黎征服世界亦都係不可或缺。《新工人物語》將會採用 Snowdrop 引擎（即係《Division》果套引擎），除咗令到遊戲畫面更靚之外，遊戲內既工人將會有更多細節、動作亦都更生動。遊戲亦都有基本戰役模式及支線任務，仲支援多種多人線上遊玩模式。

生產系

點少得打仗

此外為咗紀念系列 25週年，Ubisoft 仲會係 11 月 15 日係 PC 平台推出《工人物語》合集，將會收錄 由 1993年至 2010 推出既七部作品，趁機會一次過收藏晒佢啦！而《新工人物語》則預定 2019 年秋季上市，對應平台為 PC。