係舊年明明話 12 月會係 Nintendo Switch 見街既 MOBA 遊戲《傳說對決》（Arena of Valor），Delay 咗又唔聲唔聲，搞到一眾 Fans 等到頸都長埋。不過早前騰訊終於放咗條新宣傳片出黎，終於話比大家聽遊戲將會係 9月正式見街，大家終於可以用高畫質+實體制黎玩《傳說對決》啦！

《傳說對決》由 Garena 及騰訊天美工作室群共同開發，屬 MOBA （多人線上戰鬥競技場）類型遊戲，目前為全球最熱門手機 MOBA 類遊戲，而且更屬今屆亞運其中一項電競表演項目。遊戲分為上、中、下路三線戰場，主要目的為攻破對方主堡。遊戲中有超過 30 位英雄，各有自己特殊技能及定位，如何組成對戰組合亦係遊戲魅力所在。

影片除咗公布推出時間之外，仲有個唔知係咪「好」既消息，就係 NS 版《傳說對決》將會設立一個全球 Server，可以比全世界既玩家共同遊玩。如果係手機有試過同啲非中英文語系人連機的話，就明白呢樣未必係好事，因為極難溝通……。除此之外，全球 Server 但係連埋中國地區係入面，真係好嘛……？

include CHINA…..

NS 版可唔可以沿用返手機版帳號仲未有答案，而且按鍵方法係點亦並不明確，不過畫質就絕對有提升（當然我仲希望係唔同版本，新地圖好核突阿），下個月《傳說對決》Nintendo Switch 版本正式同大家見面！