第一季動畫開播之後馬上引起熱話嘅《賭ケグルイ》，真人版電視劇我就唔係好敢去睇，不過作品熱潮從來未斷，仲宣佈會手機遊戲會喺今年秋天上市添！
其實早在舊年 TGS（東京遊戲展）已經有《賭ケグルイ》手機遊戲嘅試玩攤位，玩法當然就離不開作品裡面提過嘅賭博遊戲；雖然咁樣講好倒米，不過循例都要提大家一聲，小賭怡情，課金唔駛咁落力～LOL
遊戲目前【事前登錄中】，有興趣嘅朋友可以去留個 E-Mail；如果你覺得睇下就算啦，賭博唔係好啱玩嘅，唔要緊，仲有另外一個好消息，就係作品動畫第二季將於 2019 年 1 月放送，所以 Fans 同我一齊等多陣，一齊祈禱第二季件事唔好崩～（笑）
【事前登錄網址】
中二病廢中，打機會自己講野自己笑，鍾意睇機械人動畫，貓世一。