我地報導過幾次既《World War Z》，隨住更多資訊、實機影片發布，坊間亦對隻遊戲越黎越有信心。係今年既 Gamescom 2018 就發放咗條全新既「Horde」宣傳片，不過呢度既「Horde」並唔唔指部落，講緊既係喪屍海！成條宣傳片基本上都係無窮無盡既喪屍，睇完之後突然覺得呢隻其實係咪《Left 4 Dead 3》黎……。

今次既宣傳影片綜合今年 E3 電玩展入面所展示既實機遊玩片段，而且簡單扼要咁話比大家聽《World War Z》遊戲既主要玩法。除咗要抵抗排山倒海既喪屍之外、設置陷阱、鐵絲網等防禦工事亦係必需的。遊戲支援最大四人連機，同《Left 4 Dead》系列相次，玩家都係以四人一隊既組合，不斷推進搵武器、補給品等等。必需要注意既係呢隻遊戲極需要搵可防禦既位置，因為開發團隊講到明係野外無 Cover 的話，係死硬的。

即係咁阿，死硬！

喪屍不但移動速度奇快，仲會飛撲，好爽！

遊戲設有故事模式，不過暫時就未知道細節，以目前既水準黎計，就算故事模式伏都無乜所謂了，連機模式都已經夠晒吸引。《World War Z》預計 2019 年上市，對應平台為 PS4 / Xbox One / PC Steam。