打開機嘅朋友，應該對荷魯斯(Horus)呢個埃及神應該唔會太陌生啦！神話故事最出名嘅情節就梗係講佢同奪位者賽特(Set)長達 80 年嘅戰王位爭奪戰，不過今日唔係講呢件事，想睇嘅可以搵返 2016 年嘅《埃及神戰 (Gods of Egypt)》嚟睇。

我地都介紹過 LEGO Wizarding World 75952 Newt’s Case of Magical Creatures呢個喼，當中咪有隻雷鳥嘅，台灣創作者 樂高七號 LEGO7 見到個雀頭就靈機一觸，就將佢變左以下嘅天空神荷魯斯。

荷魯斯Horus by 樂高七號 LEGO7

古埃及壁畫都好少見到荷魯斯人形狀態有翼，但近代遊戲或者其他媒體作品都將呢個特徵加落去，而樂高七號 嘅荷魯斯嘅除左有翼之外仲係可動式，長打開全長近半米。

對翼真係超霸氣

配件、配色、細節都做得一絲不苛

 樂高七號亦分享左小小製作手臂嘅小心得，如果要好似荷魯斯手臂上用圓件去製作的話，可以用以下嘅組件配搭去做出圓渾嘅手臂關節。

除左荷魯斯Horus之外，樂高七號仲有其他作品喺佢嘅 Facebook Page 度同大家分享，想睇多啲或者同佢交流下心得嘅，就快啲去佢嘅 Page 度睇下啦！

樂高七號 LEGO7 作品 Facebook Page 傳送門