好多 LEGO 創作者有時會將自己嘅作品喺網上分享，不過一段時間之後，行過唔知咩鋪頭或者其他人嘅相片中見到，一啲不法商人將自己嘅作品重新”砌”一次加個包裝就當產品出售。好多嘅創作者除左主動開聲叫銷費者唔好購買之外，其實都知道做唔到啲乜。又或者有部份商舖將網上一啲大形AMOC作品嘅圖紙轉售取利，同樣創作者可能非本地人士，而舖頭亦非明目張膽去販賣，最終都未必能夠追究。

舉個例子，阿董大約一年前砌起左架《高智能方程式》嘅雷神 Asurada ，同大家網上分享，亦有媒體報導過佢嘅作品。
但估唔到現世真係存在住《狐忍》中嘅「白眼」，有人就將佢嘅「疑似」作品喺LEGO嘅創作軟件LEGO Digital Designer(LDD)重塑一次，不過唔係拎出嚟同網友分享咁簡單，直頭問網友們有冇興趣購買呢個設計圖！需然對方聲稱無抄襲並且同表示同阿董嘅完全唔同，不過大部份嘅網友都唔係幾同意當事人嘅解釋。

事件點發展唔係重點，但係其實好多作品都係創作人日以繼夜、嘔心瀝血去製作，而且大家都留意其實根據《版權條例》有關作品必須是原本作品，以及用實質形式記錄下來，符合這些條件版權就會自動生效。而發放原本作品及發放電子形式嘅複製品，亦係侵犯版權(第528章 《版權條例》 第24條)。

所以唔好為一己少少利益而漠視原作者嘅心血