Nintendo Switch 今年 12 月 7 日發售《任天堂明星大亂鬥 特別版》岩岩係今日既任天堂 Direct 直播節目度發表咗更多嘅內容。今次一口氣都公佈咗唔少系統相關既資訊，而且片段仲長達 30分鐘，為咗方便大家我地特意大家精簡咗重點資訊，立即睇下有乜新野啦！

首先，唔少得嘅當然係有新角色參戰：

《惡魔城》シモン・ベルモンド

《惡魔城》リヒター・ベルモンド (echo fighter) 

黎自《惡魔城》既二位角色將會重現大家熟悉既攻擊模式，使用鞭令佢地擁有長距離攻擊範圍，但係收手慢破綻大。另外原作既吸血鬼獵人裝備聖水、昇龍拳、迴力鏢、大十字架等招式亦都會重現。角色基本動作會以「シモン・ベルモンド」為主，而「リヒター・ベルモンド」則以 echo fighter 型式參戰。

《Donkey Kong》King K. Rool

另一位新登場角色係黎自《Donkey Kong》系列既「King K. Rool」，佢係組織「Kremlings」既首領，擅長以陰險奸詐既手段擊敗敵人。係影片內見到「King K. Rool」有唔少飛行道具攻擊手段，而且亦有霸體招式，值得期待。

《火焰之紋章覺醒》Chrom 及《Metroid Prime 3》既Dark Samus (echo fighter)

黎自《火焰之紋章覺醒》Chrom 及《Metroid Prime 3》既Dark Samus 將會參戰，純粹可更換外型。

再黎，有新增場景：

惡魔城入面打丫！而且德古拉伯爵亦會以地圖頭目的式現身，另外，《惡魔城 X：月下夜想曲》主角 アルカード 會以輔助角色身份參戰

當然仲有其他更新，包括：

• 收錄800首以上嘅歌曲
• 收錄咁多首歌，當然可以比大家按類型選歌聽啦
• 體力制：以扣曬對方HP為目標
• 團體戰：有 3 VS 3 / 5 VS 5， 可以 2 人對戰，每人選 3 隻 / 5 隻，又或者 6人 / 10 人對戰
• 錦標賽制：最大 32 人一齊爭奪錦標
• 連續戰鬥：可連續與相同對手對戰
• 大亂鬥特色之一嘅 item 都當然有增加啦，增加嘅內容都好豐富，有好多有趣而強勁嘅 item，例如：改變對手左右操控；能夠一下就out 人出場嘅鎌刀；有外表平平無奇嘅香蕉，可以發射一發強能一擊後仲可以掉蕉皮等等。
• 大亂鬥其中一樣嘅 item 係精靈球，今次增加唔同嘅精靈，有 D 當地型用，有 D 當傳送用等等，增加唔少變化同趣味。
• Monster Hunter 嘅雄火龍將以 Boss 品輔助角色加入，有姿勢又有實際。

係影片最尾嘅介面介紹仲有一個未公開部分，睇黎仲有驚喜，似乎要等待下一次既任天堂 Direct 啦！《任天堂明星大亂鬥 特別版》今年 12 月 7 日就有得玩，編輯部嘅新手老手都一致期待，唔單只角色場景豐富，系統好玩又有深度，而且淨係入面嘅 item都有排玩！！

任天堂 Direct 完整片段：