著名足球經營模擬遊戲《Football Manager 2019》年年都出新一集，之不過黎到今年就有新變化啦！開發商 Sports Interactive 宣布，《Football Manager 2019》首次得到德國足球聯賽協會全面授權，而且亦會加入大量新元素，將會超越歷代作品。另外遊戲封面亦都一改經典既「經理」，改為球員於開賽前行入球場既畫面，似乎係想表達今次既作品將有全新體驗。

遊戲玩法同名一樣，就係做足球隊既經理人。你需要招募球員、決定球隊戰術及風格等等，創造最強既球隊。今集除咗得到德國足球聯賽協會全面授權外，仲獲 11 國達 26 個聯賽全面授權，仲有一啲其他重大聯賽個別球會授權，內容非常豐富。

而系統方面，醫療中心將會重現，而更多既授權更新、新內容以及遊戲升級內容將會係九月時公布，記得多多留意啦。

《Football Manager 2019》預計於 11 月 2 日發售，將會於 Steam 發售。如果而家預先訂購的話，仲可享有九折優惠，遊戲支援繁體中文。

《Football Manager 2019》Steam 傳送門