今次介紹呢隻《Fall of Light: Darkest Edition》由意大利獨立遊戲工作室 RuneHeads 開發，遊戲目前就已經於 Steam 上面發售，剛剛宣佈即將會登陸埋 Switch，正式發售日有待公佈。

點解題目我會話係「Diablo + Dark Souls」呢？相信大家不得不承認，《Dark Souls》真係帶咗好多靈感比其他工作室，有啲就想借鑑佢嘅戰鬥系統（例如《仁王》以及黎緊嘅《CODE VEIN》）；有啲就深受佢黑暗嘅世界觀所吸引，例如呢隻《Fall of Light》。

玩家於遊戲入面飾演一位騎士，身處嘅世界已經被黑暗吞噬，為左令個女可以見到最後一點太陽，所以你就拖住個女 Aether（NPC 黎）開始旅程。

白色嗰位就係騎士大人千金

《Fall of Light》係單人 RPG，遊戲中共有 10 種武器種類比玩家揀，有遠攻有近攻，視乎玩家個人喜好，亦會有接近 20 種嘅戰鬥動作變化。除咗要打怪之外，每個地城中都會有頭目戰，而冒險路上亦會有唔同嘅解謎元素要玩，絕對可以話係一隻非常全面嘅 ARPG 黎。

題外話：《Fall of Light》係工作室第一隻開發嘅遊戲，工作室只有兩個人，所以佢地可以用一年時間開發出一個簡單得黎多元化嘅遊戲，都真係相當厲害呢～

遊戲目前已於 Steam 上架，對應英文及簡體中文；Switch 版預計 2019 年於美版 Nintendo e-Shop 推出。最後同大家分享遊戲 Trailer：