喺街玩開 Switch 雙打嘅情侶好多時都有一個煩惱「想聽遊戲聲又唔想嘈到人，但得一隻插線耳機點樣分？」市面上的確有啲對應藍牙 Headset 或者 earphones 嘅裝置幫到大家。不過就算有 earphones，分一隻比對方係溫馨，但點都唔及得上兩個人各自聽得到遊戲聲。

今次介紹呢個喺 Kickstarter 眾籌緊嘅 GENKI: Bluetooth Audio for the Nintendo Switch 就完全為解決呢個情況而設！

大家見佢呢個設計，第一樣野諗嘅係咪驚佢搞到部 Switch “變磚” 呢？放心，製造商講明 Genki 呢件產品唔係比電部 Switch 嘅裝置，亦證實左係部份 USB Type A 供電去 USB Type C 先會有 “變磚” 嘅情況。

不過 Genki 都有幾個暫時未解決嘅問題喺度，例如手提情況下唔可以同時叉電；用喺屋企用 Dock 就一定要加多個 USB Adapter；可唔可以透過 Genki 嚟對話亦都係未知可唔可行。

但如果純粹想同時兩人一齊喺街玩都可以輕鬆用自己嘅藍牙裝置去聽遊戲聲，$39 美金(約港幣 $306)就真係幾化算。 Genki 依家仲係集資階段，如果一切順利就今年 11 月開始出貨，有興趣嘅朋友就去下面傳送門自己 Back 啦！

 GENKI Kickstarter 傳送門