唔知在座有幾多位朋友同我一樣係貓奴，飯可以唔食，罐罐唔可以唔開，所以今日就同大家介紹下呢隻名為《Peace Island》嘅獨立遊戲。

呢個遊戲同題目講嘅一樣，玩家嘅身份，係貓。原本遊戲中嘅貓，全部都有主人，但係，佢地某天一覺醒來，居然發現成個島上面嘅人類居然全部消失，到底發生咩事，而作為貓嘅你，又想唔想啲人類返番黎呢？

島上有 Fast Travel Point

雖然我唔認為貓睇得明報紙，但係佢地會搵到呢啲線索比你睇發生咩事

你可以將《Peace Island》理解為一個治癒系遊戲，因為玩法就係要玩家以貓嘅身份去探索個島，搵出人類點解會消失嘅線索；但係，同時你亦可以唔理呢條主線，盡情去曬太陽、瞓覺、散步、玩，總之，就係努力地做返一隻貓嘅本份 LOL

遊戲中可以使用嘅貓總共有九隻，九隻嘅毛色、性格、體格都有所不同，玩家就係透個呢九隻貓嘅視點，去了解成個故事；亦需要你同其他動物打好關係（或者你可以進行捕獵嘅 LOL）

島上面由唔同部份組成，森林、海岸、農地、二次大戰遺跡、去到電台、警局都有，而遊戲中可以進入嘅建築物一共有 50 幾處地方，開發團隊都話：玩家其實鍾意點玩就點玩，要盡情做隻貓，都係你嘅選擇咁話。因為遊戲開發重點，其實係基於團隊對寵物以及動物嘅熱愛，想藉由呢個遊戲，去反映人類與寵物之間嘅牽絆咁話。

《Peace Island》由 Eric Blumrich 以及佢嘅團隊一共五人全力編寫，而家遊戲其實仲未鐵定上架的，因為成個 Project 而家仲擺喺 Kickstarter 度集資緊，如果如期達標（USD 25,000），就會今年 11 月率先登錄 Mac ＆ PC；如果可以超過 USD 45,000 就會考慮上埋 Console 機（機種尚未決定）。

如果你對遊戲有興趣，希望佢可以成功面世嘅話，你可以考慮贊助佢 USD 3.00～LOL

遊戲示範影片如下：