話說我就幾鍾意《The Walking Dead》套劇，所以成日見到相關既遊戲推出都會走去試下。唔知係我自己黑仔定咩，次次都覺得中伏。不過黎緊呢隻《Overkill’s The Walking Dead》睇落就好似樣，加上由《Payday》開發團隊 Overkill 製作，應該就唔會點伏！

《Overkill’s The Walking Dead》採用劇集《The Walking Dead》相同世界觀，遊戲支援四人連線合作。玩家可選擇四名角色 Heather Aidan、Grant、Maya、及，每位角色都有補血、拆除陷阱、開鎖等專屬特殊技能，玩家就要操控呢四位角色係喪屍末日下生存，官方仲為呢四位角色製作咗介紹影片，有興趣既可以睇埋。

根據實機試玩片段，遊戲內既喪屍行動速度比較鈍，使用近戰武器都幾輕鬆擊殺，同其他同類型遊戲相似，作出近戰攻擊時會扣除體力值，連續攻擊既時候需要注意。而近戰武器暫時見到有矛、球棒、開山刀等等。

另外遊戲內可以設置陷阱或者加固固有物品，可以好似《Rainbow Six: Siege》咁用木板加固/封鎖木門，又可以設置或者解除陷阱等等。

可加固木門

常見既捕獸夾陷阱

呢種陷阱需要角色特殊技能拆除

玩得喪屍遊戲，噪音會吸人喪屍是常識吧。係《Overkill’s The Walking Dead》裡面，玩家製做既聲響一樣會吸人喪屍，同時仲有機會引黎最麻煩既敵人 – 「人類」（忠於劇集阿）。

遊戲內最致命既敵人就係擁有武器既人類，同埋發生槍戰時喪屍都只係會攻擊玩家呢邊，所以大部份情況下盡量保持暗殺，確保唔會同敵人正面交鋒為上策。

麻煩友用狙擊槍遠距離爆頭係最佳選擇

《Overkill’s The Walking Dead》預定於 2018 年 11 月 6 日上市，對應 Xbox One / PS4 / PC 平台。