LEGO Architecture 又或者 微縮場景 近年越嚟越多玩家留意同入手。無他嘅，香港嘅土地問題都令大家越玩越細。城市、建築同場景都見過唔少，但主題樂園嘅就可能得迪士尼城堡比較見得多。

如果你覺得呢個城堡已經好靚好仔細，咁望一望下面呢張圖，你個下巴可能跌到落地下！因為上面嘅迪士尼城堡當然係主菜，但係成個菜單係咁樣嘅！

其實呢 Set 係嚟自 LEGO Ideas 投稿者 Tim Karl(Brickproject_7540) 嘅作品，用左超過二千件組件砌成嘅呢個微縮版迪士尼樂園，當中包含左好幾個唔同迪士尼主題樂園嘅遊樂設施。

• 迪士尼火車站 Disney Station
• 美國小鎮大街 Main Street
• 飛越太空山 Space Mountain 
• 驚魂古塔 Tower of Terror
• 大雷山火車 Big Thunder Mountain 
• 米奇摩天輪 Mickey Wheel 
• 迪士尼城堡 The Disney Castle
  

除左成個樂園砌左出嚟希望大家可以比支持令佢可以商品化，Tim Karl仲誇張到將呢個 Project 變成 3D 360 觀景化，等大家可以用 MicroFigure 嘅角度去睇呢個迪士尼樂園。

咁都仲未夠，Tim Karl再佢設計嘅微縮版迪士尼城堡設計圖同Part List獨立比大家下載分享。咁有心嘅設計同介紹配套，如你都想呢個微縮版迪士尼樂園商品化，就去下面嘅傳送門比個支持啦。

微縮版迪士尼樂園 LEGO Ideas 集萬人支持傳送門

微縮版迪士尼樂園360 觀景傳送門

微縮版迪士尼城堡設計圖下載點

微縮版迪士尼城堡設計圖下載點 (備用)