上年因 Mocer League「黃藍對抗賽」活動誕生嘅一系列「麥叔叔機甲家族」，創作者 Wonderful Joe曾經講過會喺不久嘅將來製作埋宿敵 KFC上校機甲。

麥叔叔機甲家族 by Wonderful Joe

果然今年再發揮佢 Wonderful Joe 嘅威力，將 KFC上校機甲實現。

今次 KFC上校機甲根據阿 Joe 所講，因為有前作 Mcdondon 嘅經驗，軀體部份就只係砌左兩日。最花時間都係喺個頭度，不過用件方面就真係非常滿意，鬍鬚用左白色車輪拱件(4600181)、鼻就用左淺啡嘅開合胶位件(4227507)、眼鏡就用左反轉嘅 1×1 U夾(255526)。而且髮型同兩腮嘅的水，層次分明而且有種型格喺當中，同 Mcdondon 相對之下，頭部有種一方一圓嘅對比。

就咁睇你以為 KFC上校得把刀咁少野，咁你就太睇小佢啦！

呢條圍裙有蠱惑！

原來條圍裙仲可以變一刀一槍！

原來呢本來圍裙唔係武器，原設係類似飛行器嘅裝備，不過試過之後阿 Joe 覺得唔太好，之後又覺得如果整做盾嘅話又覺得唔夠好玩，結果一刀一槍就係咁演變出嚟啦！

上校機甲遠攻模式

雙刀上校

連地台都係用返紅白格仔做主色

KFC 上校之後，大家梗係想知阿 Joe 下一隻作品會唔會係 Wendy 啦。「點都會做嘅，3 大快餐人物點可以唔齊腳」而且佢都講埋可能會有熊本熊、Mr. Wally等等只機甲出現，不過大家等下食住雞先，其他角色好快會登場。

Winner Winner Chicken Dinner

「Wonderful Joe」Flickr傳送門