仲記唔記得格林童話有個故仔叫《哈梅爾的吹笛人》？個故係講德國有條村發生鼠患之後，村民出重酬希望有人可以幫呢條村解困。當時有個吹笛人出現話可以幫呢條村滅鼠，但係搞掂之後村民反口唔比錢，結果吹笛人就吹起笛帶住啲村民嘅仔女去左個山洞之係就全部人冇返過嚟。

呢個應該係大家細個對鼠患嘅第一印象，不過 2019 年大家可以喺遊戲中了解鼠患所帶嚟嘅恐佈驚慄。

由法國遊戲開發公司 Asobo Studio 所製作嘅《A Plague Tale: Innocence》，講述喺鼠患橫行嘅 14 世紀法國，一對小姐弟面對住鼠患同黑死病呢啲天災，同時要抵抗人與人之間嘅衝突。所以除左求生之餘，玩家仲要逃避軍隊或者其他先還者嘅追迫。當中細佬仲要少不更事，隨時走去同老鼠玩遊戲，死左都唔知咩事。

《A Plague Tale: Innocence》預計將於喺 2019年於 PS4 / Xbox One / PC 平台發售。