久違廿年既《Biohazard 2》重製版係日前既 E3 終於有正式推出日期，當然大家都非常興奮（包括我），但係放出黎條 Trailer 就只有極少 Game Play 畫面，實際遊玩狀況係點，仍然好神秘。不過係琴晚由製作人小林裕幸及神田剛親身進行遊戲示範，解開遊戲真實面貌！

今次示範採用《Biohazard 2》Demo 版本，但係畫面及氣氛表現都非常一流，完全符合現代遊戲水平。今次示範內容一開始身處警局，仲未知身上有鎖匙黃色衫喪屍會唔會保留。另外見到敵人分佈有重新設定，畫面亦都極為黑暗，雖然靠手上電筒照明，恐怖感大大提升。

呢條走廊大家一定有印象！

好核突！

另外最多人關心既就係視角問題，遊戲採用《Biohazard 6》相同既第三身視點，即係會見到背脊但係角色處於畫面偏左部份。轉成第三身玩法後，大家可以自由選擇射擊敵人任意部位，除咗爆頭更輕鬆之外，亦可以選擇射擊手或腳，斷肢表現亦都極為真實！

同 Bio 6 極為相似既第三身顯示

今集比喪屍咬完，身上會留有咬痕（留意條頸有咖哩雞）

遊戲亦都作出唔少修改，例如 Save 唔再需要墨帶；加入快速轉換武器選單；全身道具欄顯示等等，但係就唔多覺眼有火機欄。另外根據外媒 Trusted Reviews 既訪問，豆腐及第四生存者將會一拼回歸！解鎖方法亦都順便公開埋，豆腐只需要完成 Leon 同 Claire 本篇就會解鎖；第四生存者就需要以 A Grade 完成 Leon 同 Claire 本篇先會解鎖。

可以互動既地方只要接近就會有顯示

道具欄變咗顯示方式

《Biohazard 2》重製版將於 2019年 1月 25日推出，對應平台 Xbox One / PS4 / PC