今日係 PlayStation E3 展前發布會上，出現曾經製作《Quantum Break》工作室 Remedy Entertainment 新作《CONTROL》（狂燥）。遊戲係屬於第三身動作冒險遊戲，畫面風格表現得比較抽象。主要攻擊方式係利用念力移動物件、飛行、慢動作等多種超能力，配合一把奇特既手槍戰鬥，不過就咁睇又無《Infamous》打得咁勁。

故事方面講述一間位於紐約既秘密機構受到超自然力量襲擊，扮演女主角既玩家就要係呢個混亂局面下控制局面。

《CONTROL》（狂燥）預計於 2019 年上市，將會有 Xbox One / PS4 及 Steam 版本。