主打跑酷+殺喪屍既開放世界生存遊戲《Dying Light》終於推出續集！係今日既 Xbox E3 展前發布會上，公開《Dying Light 2》既宣傳及實機遊玩影片，以及一個非常震驚既消息，就係今集請到業界猛人 Chris Avellone，將會負責遊戲既劇情及人物設計！

今集玩法沿用上集既模式，都係跑酷加收集資源，當然亦有日夜變換系統。不過黎到今集仲會加入新既元素，就係類似早前既《Detroit》咁，因應唔同既選項將會改變劇情既走向。根據官方既說明，每一種任務都會有唔同既方式完成。例如某個勢力掌握住寶貴水資源，你可以選擇殺晒佢地強奪；又或者同佢地合作去分享資源。每個選項都會影響後續既劇情，呢個亦都係同上集分別最大既地方。

《Dying Light 2》將會推出 Xbox One / PS4 / PC 版本，發售日期未定。至於係現時公開既影片見到喪屍好似好少，相信之後仲會有調整，唔洗擔心。