係今日既 Xbox E3 展前發布會上，正式發表由 Avalanche Studios 研發，SQUARE ENIX 發行既《Just Cause 4》，有玩過既朋友都知道本系列充滿魅力既地方，好似反物理抓鉤、低空起飛飛鼠裝、精彩既爆破表現，平平無奇既故事等等，相信今集依然會保留以上既元素。

暫時相關資訊未有太多，只係知道載具仍然精彩，主角仍然係 Rico，同樣係開放世界。另外影片末段見到 Rico 揸車衝入龍卷風入面，劇情依然係無深度呢點應該都走唔甩，不過我諗大家都係關心點玩啲小動物……。

《Just Cause 4》預定於今年 12 月 4 日發售，將會有 Xbox One / PS4 及 PC 版本。