雖然《One Piece World Seeker》剛剛宣佈延期，但係 Bandai 同集英社嘅野心又點止《One Piece》一部作品！剛剛 Bandai 就正式公佈 2019 年全新動作遊戲《JUMP FORCE》，由《龍珠》悟空、《One Piece》路飛以及《Naruto》鳴人擔任主角，集合三人之力，全力拯救陷於危難中嘅地球。
遊戲採用 Unreal Engine 4 開發，務求既保留動畫風格，但又同時可以將角色擬真地表現出黎；目前 Trailer 當中所見，遊戲初始似乎設喺敗壞頹垣嘅紐約，但係相信日後開放嘅地點同場景一定會更加多。
目前所知嘅頭目級敵人就得菲利一位，但係既然做到作品 Crossover，相信唔同作品中嘅 Boss 角色都好有可能穿梭於遊戲當中！而 Trailer 最後亦見到《Death Note》夜神月同埋死神流克，唔知佢地又會喺遊戲中飾演乜野角色呢？
《JUMP FORCE》將於 2019 年（時間未定）於 PS4、XBox One 及 PC 上面推出，以下為最新遊戲展示影片：
中二病廢中，打機會自己講野自己笑，鍾意睇機械人動畫，貓世一。