【Fing下Fing下】機動海盜船再向LEGO Ideas量產挑戰

仲記唔記得呢兩年嚟我都有同大家一位整 LEGO 海盜船嘅本地 Creator Ken Lee。呢兩年嚟不斷對 LEGO 海盜船嘅改進，今年再次向 一萬 Support 啟航出發，減卻左上一隻 Pirates VS Kraken Ride 嘅一啲周邊花巧，專注返改良船身同驅動系統嘅設計砌左新版本嘅 Pirate Ship Ride嘗試完成量產化。

以阿 Ken 所講，今次驅動方式有一個大改良，加上船底嘅弧度亦作出一定程度嘅修改，所以擺動順暢左之外擺動幅度亦大大提升，幅度大左令到個刺激感大大增加。

月台設計有上一隻嘅影子，善用船底嘅空間去做售票處同商店，而且配色同用件上好有嘉年華感覺。

控制室位置嘅下層仲特別做多個空間去擺放縮細版嘅海盜船做裝飾。

周邊嘅裝飾亦非常搶眼，而且用組件砌出嚟嘅呢個”Pirate Ship”招牌鮮明清晰。

加埋燈嘅效果仲靚！

見證住第三隻海盜船嘅誕生，呢份唔放棄嘅精神，我都問左一句「第三次啦，有幾多信心先？」大家都知 LEGO Ideas 嘅海量投稿，阿 Ken 都抱住一個平常心唔太大期望「多過已往嘅票數我已經好開心啦，咁當然越多越好啦！」

三次嘅投稿，阿 Ken 都想同咁多位分享下當中經歷嘅辛酸。

今次已經係我第三次砌海盜船，諗番起兩年前砌第一隻既時候，我心想住砌一啲其他人少砌又唔易完成既野，砌海盜船既決定就由此而起。不過其實我唔確定究竟我能唔能夠真係可以用一隻摩打就做到擺動既效果。但都本住做人乜都應該試下既諗法，走去買一大堆LEGO件返屋企試下。點知試試下又比我好彩咁做到出黎，我好開心，又好心急咁公佈，第一代就係咁樣面世。

面世完之後其實我就停左無砌LEGO一排，回頭唸因為第一次砌，其實好多位係做得唔係咁好，所以就有砌第二代既唸頭。我構思係除左改良第一代既缺點，同埋想加入新完素，而且啱啱好當時快將上映《魔盜王5》，所以我就決定用電影第2集海怪食 Jack Sparrow 既場景融入海盜船，而海盜船亦係以 Black Pearl 做藍本。
當我砌好左再交去 LEGO Ideas 嘅時候就被佢地 reject 左。原因係 LEGO Ideas 嘅新規則，係唔可以用 LEGO 有版權既主題放上 LEGO Ideas 投稿，所以我只好將佢改成一般海盜打海怪去公佈。
少左電影光環，Black Pearl用色又唔夠鮮豔，結果效果不如理想。

帶住遺憾，我又停砌左 LEGO 一段時間。觸發我再砌係因為 LEGO 公佈推出過山車，我決定要將之前砌過既地方，尤其係自已覺得造得唔好既位，無論係擺動同設計推倒重來。結果，我用一個月時間砌左依家嘅第三代出黎。
往後可能我會砌其他東西，應該都會同遊樂場有關的。先休息幾個月到半年，希望到時我呢個作品已經有10,000個Supports！

有血有淚嘅作品，睇住一步一步咁將自己嘅經驗同技巧放落第三代，我都一早比左 Support！睇完如果你同我一樣都希望 Pirate Ship Ride 可以量產成功的話，去下面嘅傳送門花小小時間注冊一個 LEGO ID，比一個支持將 LEGO 機動海盜船推至另一個階段。