講起打機械獸我諗大家一定諗起《Horizon Zero Dawn》，隻 Game 係就係好玩，但係好多玩家都嫌佢無得同朋友連機。而家機會黎啦，Avalanche Studios 正式發布一隻全新遊戲《Generation Zero》，遊戲主軸同樣係打機械獸，採用開放世界，最重要既係佢可以同朋友連機合作！

Avalanche Studios 曾經製作《Just Cause》系列、《Mad Max》、《RAGE 2》，實力無庸致異。遊戲採用 Apex 引擎（與《Just Cause 3》、《Mad Max》相同），並且有完整既日夜變換系統、天氣變化系統、模擬彈道、80年代音樂等等元素。

遊戲性質係屬於開放世界生存冒險探索遊戲，可以自己一個玩單機，亦都可以同朋友一齊連線合作，最大支援 4人同時遊玩。

遊戲背景設置於架空既 1980年代瑞典，未知原因下令到所有既機械獸暴走，大家必需係呢種環境下，利用一切方法生存落去。

《Generation Zero》內所有既敵人都會有極強既 AI，擁有極複雜既行為模式。聽落好似好難打咁，但係遊戲內對機械既傷害係永久性的，即係如果只要你對機械人做成傷害，例如打爆咗佢件裝甲咁，無論時間過咗幾耐，當你再遇見同一部機械人時，佢件甲仍然會處於被破壞狀態，即係話可以玩 Hit & Run 戰術！

《Generation Zero》預計於 2019 年上市，對應 PC Steam 平台，亦有傳會推出 Xbox One / PS4 版本，但尚未證實。