於手機平台上大受歡迎嘅付費音樂遊戲《Lanota（ラノタ）》將會於 6 月 14 日登錄 Switch 平台，遊戲將包含故事篇章在內的 73 首歌曲，每首歌有四種難度，比玩家按照自己能力挑戰。

《Lanota》故事內容係講主角身處嘅世界，失去了色彩與聲音，為咗重建世界，所以踏上旅途。

遊戲採用獨特嘅「円盤型」介面，呢一點同大家一般玩開嘅音 Game 或者有少少唔同。黎到 Switch 平台上面，遊戲依然係用觸屏玩法，按鍵有拖拉、推進、點擊幾種。

就咁睇截圖好似好簡單係咪？
不如睇下網友 EK 於 Youtube 上面嘅示範，再對遊戲嘅難度下定論 XD

遊戲裡面嘅音效喺 2016 及 2017 年都曾經喺日本同台灣拎過「Indie Games Best Audio」獎項，如果玩過手機版嘅朋友一定唔會否定，因為 Game 中樂曲同異色童話世界觀非常搭配，而每首歌嘅插圖都好用心！以下係歌曲試聽：

選曲介面

雖然本身我已有手機版，不過都準備入手埋 Switch Version 作收藏之用！遊戲定價為 1,500 円，6 月 14 日於日版 Nintendo e-Shop 上架，鍾意玩音樂遊戲嘅朋友記得留意下啦。