捉依因呢味野應該個個都玩過啦，但如果同你講比人捉到就要死又點睇？黎緊就有隻新 Game《Hide Or Die》玩呢樣野，而且仲要係 16人對決，一個人做獵人，15個人做逃亡者，係封閉既叢林內展開生死追逐戰！

《Hide Or Die》係極受到《Dead by Daylight》啟發既恐怖生存遊戲，遊戲最大支援 16 位玩家，1位玩家扮演獵人，剩餘 15人就做逃亡者。開始前逃亡者會身處基地等待，當齊人之後遊戲就會正式開始。遊戲核心同《Dead by Daylight》亦都非常相似，扮演逃亡者既玩家要前往地面尋找發電機，只要成功開到四部發電機逃生門就會開啟。至於做獵人果個就係用盡所有方法殺晒佢地。

逃亡者們可以用電話互通消息，留意第一條消息就講獵人既資訊

逃亡者可以搵地方躲藏

呢隻就係獵人

係橋底睇住獵人走過，極緊張

呢部就係發電機

每一位逃亡者都會有一部可照明以及收發短訊既電話，並且可以探索周邊小屋，尋找各種補給品及武器，除咗要避開獵人之外，野獸都會對逃亡者發動攻擊。至於獵人方面，暫時呢隻就似乎有瞬移、隱身等等技能，而且擁有秒殺逃亡者既力量，之後亦會追加新獵人，相信會對應唔同既技能。

周邊小屋會搵到補給品及武器

秒殺逃亡者

《Hide Or Die》由獨立遊戲團隊 VecFour Digital 開發，已經係 Kickstarter 成功完成第一及第二階段集資（追加全新獵人），第三階段集資亦都接近完成。遊戲預計於今年 8 月展開 Beta Test，10 月就會係 Steam 平台正式上架。