相信大家都有睇過啲幫人將間屋大翻新既節目，例如日本《大改造！！劇的ビフォーアフター》之類；網上亦有唔少文章專講裝修奇談。睇果陣有無覺得「如果我整就會咁咁咁」，如果話有隻 Game 可以比你試下幫人搞裝修呢？而家有隻裝修佬模擬遊戲《House Flipper》，由開頭接 Job，到後期買屋想點整都得！
呢款遊戲叫做《House Flipper》，主要係玩幫人裝修整靚靚間屋，到後期直頭可以買間屋返黎執靚佢再賣出去。遊戲初期都係做啲清潔、打掃、油下牆同砌下地磚咁，學識基本操作之後就會越黎越多野玩，例如扑牆改間屋間隔、比人住到間屋爛晒要執返靚佢、換水喉等等內容都會有。
水喉漏水呢啲基本野
扑牆改間隔就最開心
當去到有錢買屋之後，大家會見到有啲爛屋，即係比火燒過、比水浸爛過既屋。買佢返黎，整到佢靚靚再賣返出去。當然遊戲亦會話比你聽買家既喜好、要求，咁就可以針對呢班買家既需求黎設計間屋點整啦。 （但係唔多覺眼有得整劏房）
當然大家花心機整靚間屋之後，會諗不如自己要咗佢啦，呢樣都可以的。玩家可以將買入既房產轉為自己既辦公室、據點。除咗裝修格局之外，傢私、裝飾品都可以自訂，想整返間心目中既 Dream House 就要試下呢隻遊戲啦！
《House Flipper》已經推出，售價 HKD $89，Steam 版本，對應繁體中文；而 Switch 版本亦宣佈於 2020 年 6 月 12 日於 e-Shop 上面推出，除此之外仲有家用機版本（詳文按此）。
動漫電玩宅，極愛金田一系列，擅長動作及策略遊戲