曾經有極多玩家對《Evolve》呢隻遊戲有極高評價（未出果陣），奈何遊戲推之後，由於遊戲太前衛，平衡性亦都做得太獨特既關係，令到太多玩家適應唔到，導致大量玩家流失（有多過？）。當中 PC 版情況尤為嚴重，面對咁既情況 2K 正式宣布  9月正式摺埋 PC 版專用 Server。

《Evolve》於 2015 年發售，推出之前獲得海外媒體及玩家一致好評，當中 1隻怪物 vs 4 位獵人 / 獵物既玩法新穎以及充滿刺激感，奈何遊戲後玩家發現怪物同獵人間既強弱平衡性極為微妙，並非一般人可以領悟到，令到遊戲短短發售三個月就流失咗九成玩家，就呢點黎講的確係幾利害。

為咗救隻 Game，2K 亦都試過唔少方法，最叻既就係 2016年將遊戲變成免費營運《Evolve Stage 2》，當時仲刷新咗遊戲最高上線人數，可惜由於內容無顯著改善，之後極速流失大量玩家，去到舊年開始，遊戲同時線上人數連 500人都無，2K 決定停止 PC 版營運都係合理既決定。

PC 版（Steam）專用伺服器會係 2018 年 9 月 3 日關閉，《Evolve Stage 2》亦都會停止營運，排位賽、排行榜以及遊戲內商店都會關閉。雖然專用伺服器會關閉，但係玩家係 PC 同家用機上面仍然可以玩到《Legacy Evolve》P2P多人對戰（免費安裝方法詳見 2K 公告）。另外由於已購買物品係會得到保留，所以仲有玩既朋友既得係閂 Server 之前用晒啲錢買野阿！