如果你同我一樣最近埋首於《DARK SOULS Remastered》，見到呢個 LEGO 版嘅《DS》坐火畫面，唔知你又會唔會 Hyper 咗一下？

外國網友 MythicMarty 花咗一個月時間，用《LEGO WORLD》獨力逐個件咁，將《DS》序章嘅地圖砌返出黎仲整埋條模擬遊玩片段，除咗講句佩服之外，我都真係唔知講咩好了！因為唔單止個地圖 100％ 還原，連介面以及操作上面嘅細節位，MythicMarty 都做到好足！

片段一開始係喺傳火祭祀場，見到遊戲中最神聖嘅產物……火呀！

介面同遊戲初期都係一樣架！超短 HP + 超短耐力值（笑）

傳火祭祀場左手邊，井口屍體可以拾取「人性」……連呢一點都重現埋

唔上教堂，落去就會見到呢片墓場

對住呢啲初期好難打難打得入嘅骷髏 BB……死是平常事

執返啲魂呀！！

片段去到玩家準備前往城外不死鎮時完結～

網友就表示，自己做呢條片只係因為濃濃的愛與興趣，不過目前就未夠時間同埋資源繼續整新嘅片段了。但係，只係「憑著愛」就可以整到咁像真，都真係好犀利架，呢段片唔單止展現咗《LEGO WORLD》嘅多變耐玩性，其實亦都係一種另類 Crossover：要知道歷代嘅 LEGO 遊戲難度一向唔高，但係將 LEGO 用落去整《DS》呢隻咁 Hardcore 嘅遊戲，呢種反差萌真係不得了架！

我地馬上去片！