「到底出唔出得成」一度成為都市傳說嘅遊戲《絕體絕命都市 4 Plus -Summer Memories-》呢幾個月黎動作多多，似乎慢慢見到開發終點，日本方面剛剛就發佈咗遊戲裡面正式遊玩嘅場景同埋圖片，一齊黎同大家分享下先！

其實《絕 4》同以往前作基本玩法差唔多，只係視乎故事同情節點安排；大地震過後，玩家除咗逃難，當然亦要同時面對餘震、火災、斷水斷糧甚至有人趁火打劫嘅危險。到底你要做好人，見到其他人有難就去幫手？抑或你死你嘅事，自己的命自己救？

面對就黎爆炸嘅車＆司機，你會幫手定還是避難？

去到呢啲時候，仲有貨存嘅便利店就係天堂

睇住人地就死都仲會有人拍片，人性描寫超真實LOL

面對住沮喪嘅其他人，你要鼓勵佢定踩多兩腳？（好 mean LOL）

當然仲有唔少支線事件發生

不過唔同嘅選項對結局都會有影響

比較有趣嘅設定係：遊戲 Data 係會連接上國際 Server 的，玩家於選項上面傾向做「好人」或「所謂壞人」都會經由網路紀錄在案（笑）

今次遊戲出場 NPC 多達 60 位以上，係歷代最多嘅一次；另外較前作增加難度嘅地方係，玩家除咗冷熱及飢餓感之外，仲會面對「排泄限界」嘅問題！唔通要玩家努力搵廁所？（笑）

以下係官方最新公佈嘅場景截圖。

雖然大家最想知道嘅正式發售日，目前就仲未公佈，不過，見到遊戲開發進度又行前一步，都係一件值得期待嘅事黎吖～希望今年內真係玩到呢個遊戲啦！