SEGA 世嘉喺日本有唔少分店同搞作，早前佢地喺池袋就開咗間「セガのたい焼き 池袋店」鯛魚燒專門店，咁難得在下黎到日本，既然都去得打機，當然就順便去朝聖一下。

店舖位於池袋東口附近，口味好似經常都會變，因為我都見到唔少「期間限定」嘅口味；不過，除咗大路口味如紅豆、抹茶之外，都有啲比較新式嘅餡料，例如係芝士豬肉、香蕉朱古力等等。

不過，佢呢期最新嘅口味，我真係掙扎咗好耐要唔要試……

其實聽個名就無乜野，薄荷朱古力，聽落仲好清涼添！不過見到佢青 BB 咁，我真係諗咗好耐先同個店員要咗一份。

不過因為肚餓，我都係大口大口吃了，唔知，見到青藍色我個人始終有少少抗拒，但係食落口又唔差，係好濃 Mint Chocolate 味，其實幾好食。

呢隻口味淨係做到 6 月中，不過見佢生意好好，大家有機會黎到東京池袋，都可以考慮黎試下唔同口味！

地址：〒170-0013 東京都豊島区東池袋 1-21-1 TECH 35 ビル 1F
出口：JR 池袋駅 東口徒歩 10 分 セガ池袋GiGO 1 階